Monday 23 December 2013

မည်သူတို့တွင် ဆီးချို၊ သွေးချိုရောဂါ ဖြစ်နိုင်ချေ ရှိသနည်း

by ပိုပိုဇော်(သဘာဝအားအင်)December 24, 2013 at 4:20am

ဆီးချို သွေးချိုရောဂါဆိုတာ ဘာလဲ?

ခန္ဓာကိုယ်ထဲတွင် သွေးအချိုဓာတ်များနေလျှင် ဆီးချို သွေးချိုရောဂါရှိသည်ဟု ဆိုနိုင်ပေသည်။ ကုသမှု မခံယူပါက အချိန်ကြာမြင့်လာသည်နှင့်အမျှ ဆီးချို သွေးချို၏ နောက်ဆက်တွဲ ဆိုးကျိုးများသည် ခန္ဓာကိုယ် အစိတ်အပိုင်းများ၊ အထူးသဖြင့် မျက်စိ(သို့) သွေးကြောများကို ထိခိုက်စေနိုင်သည်။ ဆီးချို သွေးချိုရောဂါ ဖြစ်စေရန် တွန်းအားပေးသော အချက်များ (Risk Factors) လူတဦး၏ နေထိုင်မှုပုံစံနှင့် ပတ်ဝန်းကျင် အကြောင်းအရာများသည် ရောဂါတခု ဖြစ်စေရန် တွန်းအားပေးသော အချက်များပင် ဖြစ်သည်။ ဆီးချို၊ သွေးချိုရောဂါဖြစ်စေရန် တွန်းအားပေးသော အချက်များကို သုံးပိုင်းခွဲခြားနိုင်သည်။
 

လူနေမှု ပုံစံ (သို့) လူ့ပတ်ဝန်းကျင်  

အောက်ပါအချက်များသည် ဆီးချို သွေးချိုရောဂါဖြစ်စေရန် ပိုမို၍ တွန်းအားပေးနိုင်သည်။
* အဝလွန်ခြင်း။
* ကျန်းမာရေးနှင့် မညီညွတ်သော အစားအစာများ စားသုံးခြင်း၊ ဥပမာ-အဆီနှင့် သကြားဓာတ်များ အလွန်အကျွံစားခြင်း၊ ဟင်းသီးဟင်းရွက် အစားနည်းခြင်း။
* ကိုယ်လက်လှုပ်ရှားမှု နည်းပါးခြင်း။
* အသက်ကြီးလာသည်နှင့်အမျှ ရောဂါဖြစ်နိုင်ချေ များပြားလာခြင်း။

မျိုးရိုးဗီဇနှင့် ဆိုင်သောအချက်များ

* ဆွေမျိုးရင်းချာထဲတွင် ဆီးချိုရောဂါရှိနေပါက သင့်အတွက် ဆီးချိုရောဂါဖြစ်နိုင်ချေ များနိုင်ပေသည်။
* အချို့သော လူမျိုးစုများသည် အခြားလူမျိုးစုများထက် ဆီးချိုရောဂါအဖြစ်များကြသည်။  
* အမွှာတဦးတွင် ဆီးချိုရောဂါရှိပါက ကျန်အမွှာတယောက်တွင်လည်း ဆီးချိုသွေးချို ရောဂါ ဖြစ်လာနိုင်ပေသည်။  

ကိုယ်တွင်း ဓာတ်ဖွဲ့စည်းမှု (ဟော်မုန်းဓာတ်ပြောင်းလဲမှု) နှင့် ဆိုင်သော တွန်းအားပေးနိုင်သည့် အချက်များ

* ကိုယ်ခန္ဓာတွင် သကြားဓာတ် တုံ့ပြန်မှု ပျက်ယွင်းခြင်း၊ (Impaired Glucose Tolerance) ထိုသို့သော အခြေအနေတွင် သွေး၏ အချိုဓာတ်သည် သာမန်ထက် မြင့်တက်နေပေမည်။  
* ကိုယ်ဝန်ရှိခြင်း အချို့သော အမျိုးသမီးများ ကိုယ်ဝန်ရှိချိန်တွင် ကိုယ်ဝန်ဆောင်တွင်း ဆီးချိုရောဂါ ဖြစ်တတ်သည်၊ ထိုသို့သော အမျိုးမီးများတွင် နောင်တချိန် ဆီးချို သွေးချို ရောဂါ ဖြစ်လာနိုင်ပေသည်။

ရောဂါဖြစ်စေရန် တွန်းအားပေးသည့် အချက်များကို လျော့နည်းစေရန်  

အထက်တွင် ဖော်ပြခဲ့သော အချို့အခြေအနေများသည် ပြုပြင်ပြောင်းလဲ၍ မရနိုင်သော်လည်း အောက်ပါအချက်များကို ပြောင်းလဲခြင်းဖြင့် ဆီးချိုရောဂါကို ကာကွယ်နိုင်ပါသည်။ * ကျန်းမာရေးနှင့် ညီညွတ်သော အစားအစာများကို စားသုံးရန် အချိုနဲ့ အဆီ ပါဝင်မှုနည်းသော အစားအစာမျာါ်နှင့် လတ်ဆတ်၍ အမျှင်ပါဝင်မှုများသော ဟင်းသီးဟင်းရွက်များ။

ရှောင်ကြဉ်ရန်

အချိုမုန့်၊ အချိုရည်၊ အချိုမှုန့်၊ အဆီများသော အစားအစာများ၊ အရက်။  

* လေ့ကျင့်ခန်း မှန်မှန်လုပ်ပါ၊ လမ်းလျှောက်ခြင်း၊ ပန်းပင်စိုက်ပျိုးခြင်း ကဲ့သို့သော သက်သာသော လေ့ကျင့်ခန်းမျိုးနဲ့  စတင်၍ ထို့ထက်ပိုပြီး ပြင်းထန်သော လေ့ကျင့်ခန်းမျိုးသို့ တိုးကြည့်ပါ။  
အထက်ဖော်ပြပါ အချက်များထက် ပိုမိုသိလိုပါက သင်၏ဆရာဝန်နှင့် တိုင်ပင်ပါ။  

ဒေါက်တာ ဘုန်းမြင့်ဝင်း
photo copy from google search
credit to >>မင်္ဂလာသတင်းစဉ်

No comments:

Post a Comment